ვებგვერდის მიზანია გახადოს საზოგადოება მეტად ინფორმირებული საბჭოთა წარსულისა და უახლესი ისტორიის შესახებ. ხელი შეუწყოს ახალგაზრდებში ცნობიერების ამაღლებას საკუთარი ქვეყნის ისტორიის მიმართ.
ვებგვერდზე განთავსებულია IDFI-ის საარქივო და მეხსიერების კვლევები, სტატიები, სიახლეები, ისტორიული ფაქტები, ქუიზები, წიგნები, ფოტო-ვიდეო გალერეა და საარქივო დოკუმენტების ბაზა, რომელიც მოიცავს ეროვნულ და შსს არქივში დაცულ დოკუმენტებს კონკრეტულ მოვლენებთან დაკავშირებით.
აღმასრულებელი დირექტორი
გიორგი კლდიაშვილი არის IDFI-ის თანადამფუძნებელი და აღმასრულებელი დირექტორი. სპეციალობით ისტორიკოსს, აქვს 20 წლიანი გამოცდილება საქართველოსა და უცხოეთის არქივებში მუშაობის, ასევე ამერიკისა და საბჭოთა კავშირის ისტორიის შესახებ კვლევებში. გიორგი კლდიაშვილს დამთავრებული აქვს თბილისის სახელმწიფო უნივერსიტეტის ისტორიის დოქტორანტურა. მუშაობდა პროფესორად და ასწავლიდა თბილისის სახელმწიფო უნივერსიტეტის ამერიკის შესწავლის ინსტიტუტში. 2017-2020 წლებში იყო ღია მმართველობის პარტნიორობის (OGP) მმართველი კომიტეტის წევრი სამოქალაქო საზოგადოებიდან.
პროგრამების დირექტორი
ლევან ავალიშვილი არის IDFI-ის პროგრამების დირექტორი და ერთ-ერთი დამფუძნებელი. პროფესიით ისტორიკოსს, აქვს 13 წელზე მეტი ხნის გამოცდილება ორგანიზაციულ ხელმძღვანელობაში და პროგრამების მართვაში. არის ამერიკის შესწავლის საქართველოს ასოციაციისა და ისტორიის მასწავლებელთა საქართველოს ასოციაციის წევრი; ამერიკის შესწავლის ინსტიტუტისა (ივანე ჯავახიშვილის სახელობის თბილისის სახელმწიფო უნივერსიტეტი) და საქართველოს სტრატეგიული კვლევებისა და განვითარების ცენტრის საბჭოს წევრი.
მეხსიერებისა და დეზინფორმაციის კვლევების მიმართულების ხელმძღვანელი
ანტონ ვაჭარაძე ხელმძღვანელობს მეხსიერების და დეზინფორმაციის კვლევების მიმართულებას. ის IDFI-ის გუნდს 2017 წლიდან შეუერთდა და პირველი პროექტი, რომელსაც ის კოორდინირებას უწევდა, იყო - „ყოფილ საბჭოთა რესპუბლიკებსა და აღმოსავლეთის ბლოკის ქვეყნებში სახელმწიფო არქივების ღიაობის ხელშეწყობა“. განათლებით ისტორიკოსი, მიღებული აქვს თბილისის სახელმწიფო უნივერსიტეტის ბაკალავრის და მაგისტრის სამეცნიერო ხარისხები. ანტონ ვაჭარაძე 2009 წლიდან მუშაობდა საქართველოს ეროვნულ არქივში. 2012-2017 წლებში ეკავა საისტორიო ცენტრალური არქივის დირექტორის თანამდებობა.
მკვლევარი
ეკა კალანდაძე IDFI-ის მეხსიერებისა და დეზინფორმაციის კვლევების გუნდს 2021 წელს შემოუერთდა და პირველი პროექტი, რომელშიც ჩაერთო იყო "ინტერრელიგიური გაგება გრაფიკული ხელოვნების საშუალებით". ეკას მინიჭებული აქვს ივანე ჯავახიშვილის სახელობის თბილისის სახელმწიფო უნივერსიტეტის ბაკალავრის ხარისხი ისტორიის მიმართულებით. ამჟამად სწავლობს ივანე ჯავახიშვილის სახელობის თბილისის სახელმწიფო უნივერსიტეტის კულტურული და სოციალური ანთროპოლოგიის სამაგისტრო პროგრამაზე. მას აქვს შსს არქივსა და საქართველოს ეროვნულ არქივთან მუშაობის გამოცდილება. ასევე, ევროპის მასშტაბით, სხვადასხვა ქვეყანაში (გერმანია, ბელარუსი, ლიეტუვა, რუსეთი) მდებარე არქივებთან ურთიერთობის გამოცდილება, მეორე მსოფლიო ომის მსხვერპლთა თემატიკასთან მიმართებით.
https://www.sitesofconscience.org/en/home/
The Sites of Conscience (შემდგომში „კოალიცია“) არის მეხსიერების კვლევის პლატფორმა, რომელიც 1999 წელს დაარსდა და აერთიანებს 275 ორგანიზაციას 65 ქვეყნიდან. კოალიციის მთავარი მიზანია, გაზარდოს აღნიშნული ინსტიტუტეციების შესაძლებლობები საგრანტო დაფინანსების, ურთიერთდაკავშირების და საერთო ქსელში ჩართვის, ტრენინგების, გარდამავალი სამართლიანობის მექანიზმების ამოქმედებისა და ადვოკატირების გზით. კოალიციის წევრები და პარტნიორები ახდენენ მრავალფეროვანი ისტორიების მემორიალიზაციას საკუთარ ქვეყნებში. ყველა მათგანს გააჩნია განსაკუთრებული, ინდივიდუალური წარსული - მათ შორის არიან ისევე როგორც დემოკრატიული ტრადიციების მატარებელი, ასევე ძალადობრივი წარსულის მქონე სახელმწიფოები და მიმდინარე კონფლიქტური რეგიონები, რომლებიც ახლა გადიან გარდამავალი სამართლიანობის ეტაპებს. კოალიციის წევრ ყველა ორგანიზაციას ააერთიანებს ერთი მიზანი - წარსულის მეხსიერებას დაუკავშირონ აწმყოს საერთო ვალდებულება.
https://cdvr.org.ua/
უკრაინის განმათავისუფლებელი მოძრაობის შესწავლის ცენტრი 2002 წელს დაარსებული არასამთავრობო ორგანიზაციაა, რომელიც შეისწავლის მე-20 საუკუნის უკრაინის განმათავისუფლებელი მოძრაობებს, იკვლევს მეხსიერებას და ტოტალიტარული წარსულის შედეგების დაძლევის პროცესებს ყოფილი საბჭოთა კავშირსა და სოციალისტური ბლოკის ქვეყნებში. ცენტრის მისიაა წარსულის ხელმისაწვდომი გახადოს.
https://www.postbellum.cz/english/
Post Bellum 2001 წელს, ჟურნალისტებისა და ისტორიკოსების მიერ ჩეხეთში დაფუძნებული არასამთავრობო არაკომერციული ორგანიზაციაა, რომელიც დოკუმენტურად ასახავს მე-20 საუკუნის მნიშვნელოვანი ისტორიული მოვლენების მოწმეების მოგონებებს და ცდილობს ამ ამბების ფართო საზოგადოებაში გავრცელებას. ორგანიზაცია თვლის, რომ მოწმეებს უნდა ჰქონდეთ თავიანთი ამბების მოყოლის შესაძლებლობა და რომ ეს ისტორიები ყველასათვის ხელმისაწვდომი უნდა იყოს - სწორედ ამ ხედვით შეიქმნა Post Bellum.
https://tol.org/
Transitions Online არის არასამთავრობო არაკომერციული ორგანიზაცია ჩეხეთში , რომელიც მუშაობს მედიის თავისუფლების განვითარებისა და ჟურნალისტური სტანდარტების ამაღლების მიმართულებით ცენტრალური და აღმოსავლეთ ევროპის, ბალკანეთისა და პოსტ-საბჭოთა ქვეყნებში 1999 წლიდან.
http://www.nsarchive.org/
ეროვნული უსაფრთხოების არქივი არის არასამთავრობო კვლევითი ინსტიტუტი და ბიბლიოთეკა განლაგებული ჯორჯ ვაშინგტონის უნივერსიტეტში. არქივი აგროვებს და აქვეყნებს ინფორმაციის თავისუფლების აქტის შედეგად განსაიდუმლოებულ დოკუმენტებს. არქივი ასევე, წარმოადგენს ერთ-ერთ უმსხვილეს დატა-ბაზას აშშ-ის ეროვნული უსაფრთხოების, საგარეო, სადაზვერვო და ეკონომიკური პოლიტიკის სხვადასხვა საკითხების შესახებ.
http://www.boell.ge/
ჰაინრიჰ ბიოლის ფონდის სამხრეთ კავკასიის რეგიონალური ბიურო 2003 წელს გაიხსნა და ცდილობს, საკუთარი წვლილი შეიტანოს ამ რეგიონში თავისუფალი, სამართლიანი და ტოლერანტული საზოგადოების ჩამოყალიბებაში. ფონდი ხელს უწყობს რეგიონში ცალკეული პიროვნებებისა და ორგანიზაციების თანამშრომლობას; ადამიანის უფლებების ძირითად პრონციპებზე დაყრდნობით ცდილობს საზოგადოებისა და პოლიტიკის არადემოკრატიული და არატოლერანტული განწყობის შეცვლას. სამხრეთ კავკასიის რეგიონალური ბიურო ხელს უწყობს ეთნო-პოლიტიკური და ტერიტორიალური კონფლიქტების ტრანსფორმაციას სამართლიანი და არაძალადობრივი გზით და მხარს უჭერს ადამიანებისა და საზოგადოების მდგრად განვითარებას. ფონდი ხელს უწყობს საჯარო დისკუსიების კულტურის ამაღლებას, რათა გადაწყვეტილებების მოღაბის პროცესი უფრო სამართლიანი და გამჭვირვალე გახდეს.
http://archive.security.gov.ge/
საქართველოს შინაგან საქმეთა სამინისტროს საარქივო სამართველო აერთიანებს მეოცე საუკუნის საქართველოს არქივებს: ყოფილი სახელმწიფო უშიშროების კომიტეტის არქივი, შინაგან საქმეთა სამინისტროსა და ყოფილ საქართველოს კომუნისტური პარტიის ცენტრალური კომიტეტის არქივებს. ამ გაერთიანებულ არქივში თავმოყრილია 2 მილიონზე მეტი საარქივო დოკუმენტი.
https://www.eda.admin.ch/
შვეიცარიის საელჩო საქართველოში
